Денеска (28.09.2026) во Њујорк, заменик министерот за внатрешни работи д-р Астрит Исени оствари работна средба со г. Драган Петковски, вршител на должноста генерален конзул на Македонија во Њујорк.
На средбата беа разгледани прашања поврзани со соработката и координацијата меѓу институциите, како и со активностите на Генералниот конзулат насочени кон граѓаните на Македонија кои живеат и престојуваат во Соединетите Американски Држави.
Заменик министерот Исени ја нагласи потребата од континуирана и ефикасна комуникација меѓу институциите, особено во делот на обезбедувањето навремени информации и поддршка за граѓаните.
Во рамки на разговорот беше истакнато значењето на дијаспората и нејзината поврзаност со матичната држава, како и важноста од унапредување на институционалната соработка и комуникација со нашите граѓани надвор од земјата.
Заменик министерот Исени упати благодарност до г. Петковски за приемот и конструктивниот разговор, како и до вработените во Генералниот конзулат за нивниот ангажман и посветеност во работата со граѓаните.