Пред нас е викендот, но временската прогноза не носи баш добри вести за деновите предвидени за одмор – УХМР најавува облачно и врнежливо време.
Метео предупередување: Времето денеска ќе биде облачно и постудено, со повремени врнежи од дожд кои ќе продолжат во текот на ноќта и утре претпладне. Наместа се очекуваат пообилни врнежи, со над 30 литри дожд на квадратен метар.
Ќе дува слаб до умерен ветер од југоисточен правец. Утринските температури ќе се движат од 4 до 13 степени, додека дневните ќе достигнат од 11 до 23 степени.
Во Скопје ќе преовладува облачно и постудено време. Попладне, како и во текот на ноќта, се очекуваат повремени врнежи од дожд. Во делови од Скопската Котлина врнежите ќе бидат со умерен до повремено засилен интензитет.
УХМР
Ќе дува слаб до умерен ветер од променлив правец. Утринската температура ќе достигне до 9 степени, а дневната до 18 степени, информира Управата за хидрометеоролошки работи (УХМР).
УХМР