Македонската делегација на Генералното Собрание на Обединетите Нации, предводена од премиерот Христијан Мицкоски, денеска присуствуваше на одбележувањето на 25-годишнината од терористичките напади врз Њујорк на 11 септември 2001 година.
Настанот во меморијалниот музеј на местото на некогашните кули близначки го предводеше генералниот секретар на НАТО, Марк Руте. На одбележувањето присуствуваа и претставници на сојузничките земји на САД, кои по нападите изразија солидарност повикувајќи се на членот за колективна одбрана на Алијансата.
– Америка останува најголемата светска сила. Но, Америка не мора да го носи товарот самата. Сојузниците на Америка се со неа. Никој не смее да се сомнева во нашата решителност. Така беше пред 25 години, така е и сега – изјави Руте во своето обраќање.