Претседателката на собраниската Комисија за еднакви можности на жените и мажите, Жаклина Пешевска, оствари работна средба со амбасадорот на Шпанија, Рафаел Сориано Ортиз.
На средбата било разговарано за унапредување на соработката и размена на искуства во областа на родовата рамноправност и еднаквите можности.
Пешевска ги претставила активностите на собраниската Комисија, со посебен осврт на Акцискиот план на Собранието, парламентарниот надзор, законодавството и јавните политики.
Во фокусот биле и спречувањето и заштитата од насилство врз жените и семејното насилство, фемицидот, правата на жените земјоделки, како и зголемувањето на политичкото учество и лидерството на жените.
Како можни форми на идна соработка со Амбасадата на Шпанија биле разгледани експертски конференции, јавни дебати, студиски посети и институционални размени.
Од Комисијата посочуваат дека ќе продолжат со активности насочени кон унапредување на еднаквите можности и преминување од формална кон суштинска еднаквост.