Жена на 84-годишна возраст од Србија почина откако се удави на плажа во Ханиоти, Халкидики, и покрај сите напори на спасувачите, волонтерот спасител и грчкиот тим на Брза помош, пренесува порталот „Typosthes.gr“.
Според информациите од терен, на местото на настанот веднаш реагирале двајца спасувачи кои започнале со пропишаните мерки за помош, вклучувајќи употреба на дефибрилатор, давање медицински кислород и реанимација.
Обидите за реанимација продолжени се и по пристигнувањето на волонтерот спасител Јоанис Колокитас, како и на медицинските работници од Грчката служба за брза помош (EKAB), кои брзо пристигнале на лице место.
И покрај повеќекратните обиди за реанимација, кои вклучуваа околу 12 циклуси, несреќната жена не успеала да се опорави и подлегнала на последиците.