Државното обвинителство на Вараждин поднесе жалба на првостепената пресуда со која 40-годишен маж и 35-годишна жена беа осудени на по 17 години затвор за кршење на правата на три деца, од кои две починаа, пренесува хрватски „Индекс“. Обвинителството смета дека изречените казна се премногу лесни и бара подолги затворски казнени мерки.
Окружниот суд во Вараждин претходно ги прогласи за виновни за сите кривични дела сторени во периодот од јули 2020 до декември 2024 година во Љубље Калнички кај Нови Мароф, каде сериозно ги прекршиле правата на трите деца. Тие беа осудени за две дела кршење на правата на дете со смртни последици и едно дело кршење на правата на дете. Во жалбата се наведува дека казните не соодветствуваат на тежината, начинот и времетраењето на делата, поради што се бара построга санкција од повисокиот суд.
Случајот беше откриен есента 2024 година кога телата на две бебиња беа пронајдени во дворот на семејната куќа, додека третото дете било згрижено од Центарот за социјална работа. Истрагата покажа дека семејството живеело во изолација, раѓањата се случеле дома, а децата не биле заведени во матичните книги ниту носени на лекар. Таткото, според сознанијата, соработувал со организација за промоција на алтернативно и природно лекување. Обвинетите остануваат во притвор до правосилноста на пресудата.