И покрај тоа што туристичката сезона е при крај, крадците и измамниците продолжуваат со своите активности на плажите во Грција. Нов вид измама е забележан на полуостровот Халкидики, каде што две жени се сомневаат дека користат итар изговор за да крадат туѓи работи.
Според сведоштвата на туристите објавени во социјалните групи, измамата функционира така што едната жена се преправа дека бара блуза што наводно ја изгубила, додека втората ѝ помага или ја покрива акцијата. Случајот бил забележан во популарното одморалиште Пефкохори, а туристите забележале дека жените зборуваат странски јазик.
Еден од туристите сподели детаљно предупредување во Фејсбук групата „Грција Инфо“:
„Вчера на плажата во Пефкохори, две жени работеле заедно за да крадат. Едната се преправала дека нема блуза, па се преправала дека ги зема нашите работи. Ја прашав што прави, таа рече дека блузата ѝ недостасува. Потоа видела дека блузата е кај друга жена и малку се скарале и си заминале. Пред тоа, таа ги гледаше нашите работи, а повремено и нас. Апел да бидеме внимателни со работите, вмешани се две Германки.“
Ова не е изолиран инцидент на грчките плажи. Слични обиди за кражба неодамна беа пријавени и од туристите на плажата во Переја.