Најмалку 21 лице загина, а четворица беа сериозно повредени во челен судир на два минибуси-такси, по што на нив налетал и трет автомобил на автопат во Јужна Африка.
Несреќата се случила во недела навечер во покраината Западен Кејп, на делницата меѓу Принц Алберт и Лиу-Гамка, приблизижно 380 километри источно од Кејптаун, според податоците од Корпорацијата за управување со патниот сообраќај.
Од надлежните институции посочуваат дека билансот „може да се промени бидејќи службите за итни случаи и властите на Западен Кејп продолжуваат да го истражуваат местото на несреќата“.
Според полициските информации, три лица кои беа итно пренесени во болница по несреќата се прогласени за мртви при пристигнувањето.
Секретаријатот за мобилност на Западен Кејп наведува дека инцидентот почнал со челен судир на два минибуси-такси, по што следел удар од теренско возило.
Автопатот N1 беше затворен поради увид и истрага што ја води Корпорацијата за управување со патниот сообраќај.
Инаку, минибусите-такси претставуваат основен вид јавен превоз за милиони граѓани во Јужна Африка, но статистиките покажуваат чести фатални исходи, вклучувајќи ги и јануарските несреќи со 25 жртви.