Маж од тетовско село бил лишен од слобода откако неговата снаа пријавила дека во дворот на семејниот дом со тврд предмет ги нападнал неа и нејзината седумгодишна ќерка.
Од СВР Тетово информираат дека вчера во 20:20 часот, полициски службеници од Полициското одделение Групчин го лишиле од слобода Р.Н. (46) од тетовско село.
Тој бил приведен по претходна пријава од неговата снаа, според која инцидентот се случил во дворот на семејниот дом.
Р.Н. бил задржан во полициска станица. По целосно документирање на случајот, против него ќе следува соодветен поднесок.