Речиси тројца од четири македонски петнаесетгодишници не го достигнуваат основното ниво на читачка писменост, покажуваат резултатите од ПИСА 2025. Само 26 проценти од учениците го достигнале најмалку второто ниво во читање, додека просекот во земјите од ОЕЦД е 69 проценти.
Слаби се резултатите и по математика – 68 проценти од учениците се под минималното ниво на функционална математичка писменост, а само еден процент се меѓу најуспешните, наспроти осум проценти во ОЕЦД. Кај природните науки, основното ниво го достигнале 36 проценти од македонските ученици, додека просекот во ОЕЦД е 74 проценти.
Дополнително загрижуваат и податоците за присуството на настава – 35 проценти од учениците изјавиле дека пропуштиле најмалку еден цел училишен ден во двете недели пред тестирањето, а 57 проценти барем еднаш задоцниле на училиште. Истражувањето покажува и намалување на родителската вклученост во споредба со 2022 година.
Во ПИСА 2025 учествувале повеќе од 760 илјади петнаесетгодишници од 91 земја и економија, а резултатите покажуваат пад на образовните постигнувања и на ниво на ОЕЦД.