Средба на Гаши со катарскиот министер за труд Ал Мари

Претседателот на Собранието, Африм Гаши, денеска се сретна со министерот за труд на
Државата Катар, Али бин Самик ал Мари, со кој разговараше за можностите за унапредување
на соработката меѓу двете држави.
Претседателот Гаши потенцираше дека средбата се одржува во годината кога одбележуваме
30 години од воспоставувањето на дипломатските односи меѓу двете држави, што верува
дека ќе претставува поттик за интензивирање на меѓусебната соработка, особено во делот на
економијата, енергетиката, туризмот и образованието.
Претседателот Гаши се осврна на парламентарната дипломатија и на нејзината значајна
улога во градењето на дипломатските односи насекаде во светот и е суштински елемент во
градењето мостови меѓу земјите и народите, особено во време на глобални предизвици.
Министерот Ал Мари изрази благодарност за гостопримството од страна на нашата држава и
нагласи дека неговото присуство е потврда за добрите односи што ги негуваат двете држави.
Тој потенцираше дека потпишувањето на Меморандумот за соработка во областа на трудот
меѓу двете држави ќе биде почеток на меѓусебната соработка во повеќе области.