Управата за хидрометеоролошки работи (УХМР) излезе со ново итно предупредување за развој на атмосферска нестабилност во повеќе региони низ државата.
Според последните мерења и набљудувања, нестабилно време проследено со пороен дожд, засилен ветер и електрични празнења во моментот го зафати Кочани.
Слична метеоролошка состојба е регистрирана и на подрачјето западно од Велес, како и во Кичево и Виница.
Атмосферската нестабилност се шири и во Овчеполието, односно во регионот југозападно од Свети Николе.
Метеоролозите апелираат на внимателност во погодените подрачја поради можноста од краткотрајни силни удари на ветер и обилни врнежи.