Премиерот Христијан Мицкоски, одговарајќи на новинарско прашање околу растот на индустриското производство, истакна дека растот од околу 3,4% во вториот квартал е индикатор дека после 25-26 месеци од оваа влада состојбата е конечно стабилизирана и дека во оваа насока треба да се продолжи и во периодот кој што следи.
„Индустриското производство во овие услови е исклучително значаен податок и неговиот раст, посебно во вториот квартал кој што е над 3% мислам дека е негде околу 3,4%, но уште повеќе радува фактот што преработувачката индустрија расте. Значи, не се темели на услуги или на нешто друго, туку имаме раст на преработувачката индустрија. Овие индикатори се први индикатори коишто велат дека после овие 24, 25-26 месеци од оваа влада конечно стигнуваат позитивни вести, односно да се изразам попрецизно конечно е стабилизирана состојбата која што ќе треба да продолжиме да ја развиваме и да ја растеме. Така што во периодот кој што следи очекувам и тоа да се случи“, нагласи Мицкоски.