45-годишната Шејла Велија и нејзината 22-годишна ќерка Џејна од сараевската населба Алипашино Поље починаа за време на престојот во Добре Воде, Црна Гора.
Трагичниот настан се случи на 28 август, а медицинските извештаи од обдукцијата покажуваат дека и двете доживеале срцев удар во временски интервал од еден час, поради што надлежните констатираа природна смрт.
Ова е втора голема трагедија за ова семејство по смртта на таткото пред две години. Зад починатите останува уште една ќерка.
Двете жени им беа познати на своите сограѓани во Сараево преку работата во угостителскиот објект „Дерби“, објави ekskluziva.ba.
Погребот на починатите мајка и ќерка ќе се изврши на 2 септември, во среда, на Градските гробишта Влаково во Сараево.