Дваесет и осумгодишниот Џастин Смит е осуден на доживотен затвор откако беше прогласен за виновен за убиство од прв степен, сквернавење на труп и палење по смртта на неговата 21-годишна девојка Дајана Брајс, која била бремена во 14-та недела.
Брајс била пријавена за исчезната на 2 април 2021 година од нејзиниот дом во Апер Дарби, во близина на Филаделфија. Последен пат била видена со Смит пред перална во Једон, а неколку часа по пријавата за исчезнување, пожарникарите го пронашле нејзиниот автомобил во пламен. Неделa дена подоцна, нејзиното тело било пронајдено во пошумена област во југозападна Филаделфија. Смит тогаш не бил пронајден, а беше уапсен дури минатата година при сообраќајна контрола во Атланта, Џорџија.
Според извештаите од судењето, расправијата меѓу нив избувнала откако Брајс го обвинила Смит дека ѝ пренесол херпес. Судскиот експерт утврдил дека тој ја застрелал 11 пати во десната слепоочница и еднаш во рамото.
Смит сведочел во своја одбрана, тврдејќи дека пукањето било несреќен случај поради модифицирано чкрапало.
„Пиштолот испукал и таа починала“, рекол тој пред судот.
На прашањето на обвинителите зошто не повикал помош, тој признал дека заедно со соучесник го запалил автомобилот и го фрлил телото.
„Само имав чувство дека ова нема да ми успее“, рекол Смит.
Помошничката окружна обвинителка Лорен Крамп истакна дека по злосторството Смит избегал во Флорида со намера да премине во Куба, за на крајот да заврши во Атланта.
„Не е паника. Тоа е однапред смислена намера“, рече Крамп во завршните зборови.
Дајана Брајс била мајка на едно дете и работела како негувателка. Таа планирала забава за откривање на полот на второто дете и сакала да стане техничар за дијализа.
„Родена со ангелски очи, Дијана имала дух кој, со својата насмевка, смеа, карактер и целото битие, можел да ги разубави и подигне духовите на сите околу неа. Нејзината прекрасна душа била полна со љубов и таа се грижела за другите повеќе отколку што се очекувало од неа“, стои во нејзиниот некролог.