Премиерот Христијан Мицкоски им посака успешен почеток на новата учебна година на сите ученици, а особено на првоодделенчињата кои денеска за првпат седнуваат во училишните клупи.
Тој им порача дека со почетокот на училиштето отвораат нова страница во животот, во која ќе има многу предизвици, но и можности за стекнување нови знаења и пријателства.
Мицкоски нагласи дека животот не е она што најчесто се прикажува на социјалните мрежи и дека младите ќе мора да научат да се соочуваат со предизвиците самостојно, но и со поддршка од родителите, другарите и наставниците.
На сите ученици во основните и средните училишта им посака успешна учебна година и стекнатото знаење во иднина да го применат преку работа во Македонија.