Град Скопје најавува нови сообраќајни измени, мерки за справување со отпадот и подобрување на јавниот превоз. Меѓу основните промени е легализацијата на дивиот пешачки премин кај Бит-пазар, каде што наскоро ќе бидат поставени соодветни семафори и хоризонтална сигнализација.
Скопскиот градоначалник Орце Георгиевски, одговарајќи на советничко прашање, потврди дека на таа локација ќе се обележи официјален премин за подобрување на безбедноста.
„На местото на нелегалниот премин ќе биде обележан пешачки премин, а ќе бидат поставени и семафори со цел да се зголеми безбедноста на пешаците“, информираше Георгиевски.
Во однос на модернизацијата на јавниот превоз, градоначалникот потврди дека веќе е потпишан договорот за набавка на 100 нови електрични автобуси.
Според најавите од градските власти, првата испорака на новите возила се очекува да пристигне до крајот на оваа година.