Пожарникарите од Територијалната противпожарна единица Крива Паланка успешно извршија акција за спасување животно во селото Конопница.
Интервенцијата следела по добиена дојава за куче коешто паднало во необезбеден бунар со длабочина од седум метри.
На терен веднаш интервенирале двајца пожарникари со едно противпожарно возило, кои успеале безбедно да го извлечат малото кутре од длабокиот бунар.
„Секој живот е вреден! Животот нема цена!“, порачаа од ТППЕ Крива Паланка по завршувањето на успешната акција.