Поради зголемена фреквенција на возила на ГП Табановце и ГП Блаце за излез од државата се чека до еден час.
-Поради зголемена фреквенција на возила на следните гранични премини се бележи зголемено време на чекање: ГП Табановце –за влез во државата околу 30 минути, за излез од државата е околу 1 час, ГП Блаце –за излез од државата околу 30 минути – соопштува АМСМ.
На останатите гранични премини од македонска страна нема подолги задржувања за влез и излез од државата.
Но денеска завршува продолжениот викенд па на Богородица, за влез во Македонија во моемнтов се чека околу 2 часа. Гужвата е на грчка територија.
Уште полоша е ситуацијата на Дојран. Таму туристи велат дека чекаат и по повеќе од 3 часа.
Уште повеќе гужви се очекуваат во попладневните часови кога викенд туристите се враќаат дома.
