Тетовската полиција вчера лишила од слобода 27-годишен жител на Тетово, осомничен дека одзел ташна од 45-годишна жена во близина на бензинска пумпа во градот.
Според информациите од СВР Тетово, случајот бил пријавен на 28 август, а жената навела дека во ташната имало лични предмети, платежни картички и мобилен телефон.
Полициските службеници го пронашле и привеле М.Ц. од Тетово, а одземените предмети биле пронајдени и вратени на сопственичката.
По целосно документирање на случајот, против осомничениот ќе биде поднесена соодветна пријава.