Долга колона автомобили е забележана утрово на граничниот премин Богородица, на излез од Македонија кон Грција.
На видеокампите на граничниот премин се забележува голем број возила наредени во повеќе ленти кои чекаат за преминување на македонско-грчката граница.
Зголемената фреквенција на возила се очекува да продолжи и во попладневните часови. Ваквиот притисок се должи на продолжениот викенд поради кој голем број граѓани тргнуваат кон грчкото крајбрежје, но и на редовната смена на туристите.
На возачите кои денеска патуваат кон соседна Грција им се советува да бидат трпеливи и пред тргнување зад воланот да ја проверат актуелната состојба и задоцнувањата на граничните премини.