По повод Денот на независноста на Украина, денеска во Собранието на Република Северна Македонија ќе се одржи сесија на Интерпартиската парламентарна група за поддршка на Кримската платформа.
На сесијата ќе се обратат украинската амбасадорка Лариса Дир, амбасадорите на Франција, Германија и Полска – Кристоф Ле Риголер, Петра Дрекслер и Мариуш Бримора, претставникот на Интерпартиската парламентарна група за поддршка на Кримската платформа Оливер Спасовски, како и потпретседателот на Собранието Антонијо Милошоски.
Во рамки на настанот ќе бидат презентирани и изложбата „Враќање на сеќавањето на Херсон“, изложбата посветена на светското наследство на Украина под заштита на УНЕСКО, како и македонскиот превод на романот „Црниот гавран: останатиот“ од украинскиот автор Васил Шкљар.