Премиерот Христијан Мицкоски оствари средба со министерот за надворешни работи на Чешката Република, Петр Мацинка.
На средбата било разговарано за билатералните односи меѓу двете земји, можностите за нивно унапредување и европската перспектива на Македонија.
„Успешна и конструктивна средба со министерот за надворешни работи на Чешката Република, Петр Мацинка. Разговаравме за одличните билатерални односи меѓу Македонија и Чешка, можностите за нивно дополнително продлабочување, како и за европската перспектива на нашата земја“, истакна Мицкоски.
Претседателот на Владата ја нагласи важноста на чешката поддршка на патот кон Европската Унија.
„Особено ја ценам поддршката од Чешка за нашите европски интеграции и заедничката посветеност на градењето стабилна, просперитетна и европска иднина“, посочи премиерот.