Со УВ индекс 8 и температури близу 40-тиот степен, во редици и со документи в раце – почнаа уписите на УКИМ.
И годинава двоен систем. Покрај електронското пријавување, идните бруцоши мораа и лично на шалтерите на факултетите да ги донесат хартиените документи. Сител денеска направи обиколка, за да провериме како тече процесот.
Долгите редици и оваа година се печатот на уписите, целосната дигитализција ќе почека подобри времиња.
Гужви имаше на сите факултети, но некои чекаа во климатизирани амфитеатри, други се печеа на сонце, трети ги користеа документите да се разладат додека чекаа ред на студентски прашања.
На 23-те факултети при УКИМ има 8.851 место. Најголем број студенти на разни студиски програми ќе прими Медицинскиот факултет – 950. Денеска таму беше најкритично. Младите се револтирани бидејќи на сонцето чекале подолго време. Бараат целосно дигитални процеси.
Гужва имаше и на ФИНКИ, но идните бруцоши седеа и чекаа да им дојде редот во климатизирани амфитеатри.
Деканот за Сител вели дека е неопходно свидетелствата од средно да се во електронска форма, за целиот процес да биде дигитален.
ФИНКИ оваа година ги отвора вратите за 500 студенти.
Денеска требаше и вистинско трпение за на Правен, додека ти дојде редот и да завршиш работа.
Порелаксирана беше атмосферата на техничкиот кампус при УКИМ.
Оваа година квотите за упис се намалени за 2000 места на сите универзитети. Најмногу на струките бизнис и администрација, како и на Правниот факултет – бидејќи резултатите покажале голема невработеност откако студентите по дипломирањето.
За разлика од овие факултети, останаа речиси идентични техничките струки, информатиката, машинството, градежништвото, таму е вработливоста на одлично ниво и достигнува некаде до 98-99 проценти.