Утре почнуваат уписите на државните универзитети на нови студенти во академската 2026/2027 година. На најстариот универзитет УКИМ на вкупно 23 факултети предвидени се 8.851 место од кои 4.395 за редовни студенти, 3.621 со кофинансирање и 835 вонредни студенти. Уписите во првиот рок се предвидени и на 19 август.
На УКЛО за додипломските студии има места за 2.115 нови студенти. Од нив 1.074 се во државна квота, останатите 612 и 429 се наменети за кофинансирање и вонредни студии. Уписите во првиот рок се предвидени и на 19, 20 и 21 август.
На Универзитетот „Гоце Делчев“ во Штип уписите за првиот циклус почнуваат в среда 19 август, а ќе се одвиваат и во наредните два дена.
Уписите на Државниот Универзитет во Тетово ќе се одржат од 24 до 28 август.