Четири авиони интервенираат во гаснењето на пожарот во шумата над селото Габер, соопштија од Центарот за управување со кризи (ЦУК).
Од ЦУК информираат дека иако пожарот е проширен, ситуацијата кон населените места во селото Габер е под контрола и во моментов не претставува опасност за жителите.
Поради тоа што огнот се наоѓа на планински и непристапен терен каде интервенцијата од земја е отежната, во воздухот делуваат три авиони „Ер Трактор“ на Дирекцијата за заштита и спасување и еден авион на МВР.
Пожарот во моментот се движи во правец на селото Вржале, поради што состојбата внимателно се следи од екипите на терен.
Директорот на ЦУК, Мухамед Али, е на терен и одблизу ја следи ситуацијата, а Центарот е во постојана координација со сите надлежни институции.