Трудница здобила повреди синоќа во Белград додека шетала, откако во неа удрил електричен тротинет, потврдија од Итната помош за РТС.
По повредувањето, таа веднаш била пренесена на Военомедицинската академија (ВМА) за понатамошни медицински прегледи.
Главниот дежурен хирург на ВМА, доктор Иван Лековиќ, изјави дека трудницата е задржана во оваа здравствена установа за понатамошна опсервација.
Според неговите зборови, трудницата најпрво ја прегледал гинеколог, а потоа била згрижена поради потрес на мозокот.