Вкупно осум пожари на отворен простор се регистрирани денеска на територијата на државата до 13 часот, соопштија попладнево од Центарот за управување со кризи (ЦУК).
Според податоците на ЦУК, од нив еден е сè уште активен, еден е ставен под контрола, додека останатите шест се целосно изгаснати.
Единствениот активен пожар е во општина Македонски Брод, во месноста „Видуш“, во близина на селото Драгов Дол. Таму гори ниска вегетација, нискостеблеста шума и грмушки.
Под контрола е ставен пожарот што избувна на градската депонија во општина Делчево.
Пожарите што се целосно ликвидирани беа забележани на териториите на општините Виница, Врапчиште, Куманово, Лозово, Центар Жупа и Штип.