Во изминатите 24 часа во земјава се регистрирани 23 пожари на отворен простор, информира Центарот за управување со кризи. Од нив, 20 се целосно изгаснати, два се активни, а еден пожар е ставен под контрола.
Еден од активните пожари е во општина Македонски Брод, во близина на селото Драгов Дол. Таму огнот зафатил ниска вегетација, нискостеблеста шума и грмушки.
Пожар има и во кумановската населба Средорек, каде што гори отпад.
Под контрола е ставен пожарот на градската депонија во Делчево.