Поради зголемена фреквенција на возила, на граничните премини со Србија – Табановце и Пелинце, за влез во земјата се чека повеќе од еден час, додека за излез задржувањата се околу половина час.
Гужви има и на јужната граница. На граничниот премин Богородица со Грција, и за влез и за излез од државата се чека по повеќе од еден час, информираат од Авто-мото сојузот на Македонија (АМСМ).
На останатите гранични премини од македонска страна, според АМСМ, нема подолги задржувања за влез и за излез од државата.
Интензитетот на сообраќај на патните правци надвор од градските средини е зголемен, а сообраќајот на државните патишта се одвива непречено, по претежно суви коловози.
Од АМСМ апелираат до возачите за внимателно управување со возилата.
„АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево“, наведуваат од сојузот.