Управата за хидрометеоролошки работи (УХМР) ги објави официјалните податоци за измерените температури низ градовите и мерните станици во Македонија во 11 часот.
Според мерењата, највисока температура предпладнево е измерена во Гевгелија, каде што живата на термометарот достигна 33,8 степени Целзиусови.
Веднаш зад Гевгелија се наоѓа Скопје (Зајчев Рид) со измерени 33 степени, а високи температури во 11 часот се регистрирани и во Велес (32,8°C), Демир Капија (32,6°C), Кавадарци (32,5°C) и Скопје-Петровец (32,0°C).
Над 30 степени се измерени и во Струмица (30,8°C) и Виница (30,0°C).
Од останатите градови, Тетово бележи 29,3°C, Крива Паланка 28,9°C, Прилеп 28,1°C, Берово 27,3°C, а Претор 26,5°C.
Најсвежо во 11 часот претпладнево било на Попова Шапка со измерени 17,3 степени, како и во Крушево со 22,8°C и Маврови Анови со 24,2°C.
За мерната станица во Штип во овој термин не се евидентирани податоци.