Претседателот на Владата, Христијан Мицкоски, присуствуваше на официјалната промоција на новиот тркачки болид на македонскиот автомобилист Игор „Иџе“ Стефановски.
За време на настанот, тој му изрази јавна поддршка на автомобилистот, истакнувајќи го неговиот придонес за промоција на државата на меѓународната сцена.
„Денес присуствував на промоцијата на новиот тркачки болид на нашиот трофеен автомобилист Игор „Иџе“ Стефановски. Ми беше чест да бидам дел од овој посебен момент и да дадам поддршка на еден од најголемите амбасадори на македонскиот автомобилизам“, истакна Мицкоски.
Премиерот упати и желби за успешни настапи и нови спортски достигнувања во претстојниот период.
„Му посакувам многу здравје, безбедни трки, уште повеќе победи и трофеи, а македонското знаме да продолжи гордо да се развева на победничките подиуми ширум светот. Напред кон нови успеси, Иџе!“, порача Мицкоски.