До 13:00 часот во земјава се регистрирани пет пожари на отворен простор, од кои еден е активен, а четири се изгаснати, соопшти Центарот за управување со кризи (ЦУК).
Активен е пожарот во Општина Кавадарци – села Раец, Ќесендре и Дреново, каде гори нискостеблеста шума и ниска вегетација.
Изгаснати се пожарите во Општина Прилеп, ул. „Дебарска“, кај м.в. Теќе каде е зафатена депонија, Општина Теарце – села Шемшово и Сиричино каде гори ѓубре, Општина Чучер Сандево – село Глуво каде е зафатена сува трева и Општина Чучер Сандево – село Мирковци, каде гори сува трева.