Снег почна да вее на планината Бјеласица во Црна Гора во средината на јули, по наглиот пад на температурите во регионот.
Снегулки беа забележани на месноста Зекова Глава, каде што планинските врвови целосно побелеа.
Наглата промена на времето е резултат на продорот на значително постудена воздушна маса што зафати поголем дел од регионот.
Снимки и видеа од заснежените предели брзо започнаа да се шират и да кружат на социјалните мрежи.
Меѓу нив, видео од снежните врнежи објави и популарната Инстаграм страница „Podgorica Time Machine“.
Метеоролозите претходно за денеска најавија претежно облачно време во северните делови од Црна Гора со услови за повремен дожд.
Се очекува во вториот дел од денот врнежите во овие области да престанат и да настапи делумно разведрување.
Највисоката дневна температура во северните делови се движи од 13 до 22 степени, додека во останатите делови од земјата достигнува до 29 степени.