Бизарен инцидент кој за малку ќе завршел фатално се случил во такси возило во сојузната американска држава Флорида.
Според информациите, 32-годишната Лин Мари Замора се налутила откако нејзината пријателка ѝ рекла дека не може да пие пиво за време на возењето.
По оваа забелешка, таа извадила ножици од својата чанта и нападнала маж кој се наоѓал во возилото.
Како што пренесува „Њујорк пост“, неименуваниот маж бил избоден во пределот на левиот бицепс и листот на ногата.
Поради инцидентот, таксистот веднаш го запрел возилото, излегол надвор и повикал полиција.
Замора е обвинета за нанесување сериозни телесни повреди кои не се опасни по живот, иако нападот брзо можел да прерасне во поголема трагедија.
Таа веќе се појавила пред судските органи, каде што било утврдено дека од претходно се наоѓа на условна казна поради напад врз постаро лице.
Нејзиното следно рочиште пред судот е закажано за 12 август.