Во Собранието денеска ќе се одржи второто продолжение на надзорната расправа на Комисијата за еднакви можности на жените и мажите, посветена на спроведувањето на законите, политиките и институционалните мерки за превенција и заштита од семејно насилство.
Темата на расправата е „Спроведување на законите, политиките и институционалните мерки за превенција и заштита од семејно насилство, од аспект на еднаквите можности, институционалната координација, предизвиците и можностите за унапредување на ефикасноста на постапувањето на органите на извршната власт“.
Од собраниската прес-служба информираат дека на расправата свои искази ќе дадат и ќе одговараат на прашања од присутните Верица Делева, координатор на социјални услуги на Град Скопје, Ленче Илиевска, в.д. директор на ЈУ Меѓуопштински центар за социјална работа Крива Паланка, Наташа Котева, в.д. директор на ЈУ Меѓуопштински центар за социјална работа Струмица и Данче Коцевска, в.д. директор на ЈУ Центар за социјална работа Валандово.
Надзорната расправа ќе се одржи во салата „Борис Трајковски“ во Собранието, со почеток во 10 часот.