Поради планирани технички зафати, денеска без електрична енергија ќе останат дел од корисниците во општините Сопиште и Карпош.
Во периодот од 07:00 до 16:00 часот, прекин во снабдувањето со електрична енергија ќе има во месноста Коштан во селото Горно Соње, на подрачјето на Општина Сопиште.
Дополнително, од 09:00 до 13:30 часот, без струја ќе бидат и дел од домаќинствата во населбата Бардовци, поточно во околината на црквата, во Општина Карпош.
Од ЕВН апелираат граѓаните навреме да ги планираат своите активности и посочуваат дека снабдувањето со електрична енергија ќе биде нормализирано веднаш по завршувањето на предвидените работи.