Претседателката Гордана Сиљановска Давкова синоќа присуствуваше на приемот по повод 14 Јули – Националниот ден на Француската Република.
„Искрени честитки до претседателот Емануел Макрон и до францускиот слободарски народ! Амбасадорот Кристоф Ле Риголер нѐ потсети на Француската револуција и нејзината длабока верба во „слободата, братството и еднаквоста“, на непресушната демократска инспирација на „Француската декларација за слободите и правата на човекот и граѓанинот“, напиша Сиљановска Давкова на својот профил на Фејсбук.
Таа посочи дека македонско-француското пријателство, засновано на меѓусебна почит, дополнително се зајакнува преку соработката во рамките на Франкофонијата, како и преку образовната, научната и културната размена меѓу двете земји.