На автопатот А1 кај Гевгелија, полицијата запрела 25-годишен турски државјанин кој управувал автомобил со брзина од дури 210 километри на час.
Полициски службеници од ОВР Гевгелија го привеле К.Ј. (25) утринава во 06:48 часот на делницата од автопатот кај селото Милетково, откако со радарска контрола било утврдено дека вози со значително поголема брзина од дозволената.
СВР Струмица информира дека возачот управувал патничко возило „Ауди“ со турски регистарски ознаки со брзина од 210 километри на час, иако на тој дел од автопатот максимално дозволената брзина изнесува 120 километри на час.
Против возачот е поднесена соодветна пријава согласно законските прописи.