УХМР ги измери температурите во 11 часот во градовите низ Македонија. Според податоците, со 12 степени, најсвежо во 11 часот е на Попова Шапка, додека Гевгелија и Струмица се најтопли градови денеска, со измерени 29 степени.
Топло е и во Демир Капија и Велес со 28 степени во 11 часот, како и Кавадарци и Скопје со 27 степени.
Денес се очекува претежно сончево време, проследено со мала до умерена облачност. Во попладневните часови на одделни места можно е краткотрајно дестабилизирање на атмосферата, кое може да донесе пороен дожд и грмежи. Ќе дува слаб до умерен ветер од северозападен правец, соопшти Управата за хидрометеоролошки работи (УХМР).
Дневните ќе достигнат од 26 до 34 степени.
Во Скопје ќе преовладува сончево време со повремена умерена облачност. Ќе дува слаб до умерен ветер од северен правец. Температурата наутро ќе биде околу 15 степени, а во текот на денот ќе се искачи до 32 степени.