На 4 јули 2026 година во ОВР Неготино било пријавено дека на регионалниот пат меѓу селата Долни Дисан и Тимјаник, неготинско, 15-годишник кој управувал мопед со неготински регистарски ознаки изгубил контрола и паднал на коловозот.
Во несреќата малолетникот се здобил со повреди, по што бил пренесен во Општата болница во Кавадарци од екипа на Итна медицинска помош.
Увид на местото извршила екипа од ОВР Неготино, при што било констатирано дека тој го управувал мопедот без да се стекне со право за управување.
По насоки од јавен обвинител, мопедот бил одземен, а по целосно документирање на случајот ќе бидат поднесени соодветни пријави.