Венчавката на пејачката Тејлор Свифт и ѕвездата на американскиот фудбал Тревис Келс започнува во петок попладне во Медисон Сквер Гарден во Њујорк и би можела да трае до 4 часот наутро следниот ден, според градската дозвола добиена од АП.
Од август 2025 година, кога суперѕвездата Тејлор Свифт и спортистот Тревис Келс се свршија, прашањата за тоа кога, каде и како ќе се венчаат се постојана грижа за јавноста.
Иако верената двојка сè уште официјално не го потврдила датумот, бројни индиции – од издадените градски дозволи до пристигнувањето на камиони со опрема во Менхетен – укажуваат на спектакуларна тридневна прослава што би можела да го засени дури и најпрестижниот моден и добротворен настан во светот – познатата „Мет Гала“, велат експертите.
Медиумите велат дека обложувалниците „се запалиле“ – луѓето инвестирале повеќе од два милиони долари обложувајќи се каде ќе се одржи свадбата.
Апликацијата за „специјален настан во Медисон Сквер Гарден“ беше одобрена вчера од страна на владата на градот Њујорк, изјави портпаролот на градоначалникот Зоран Мамдани, а неколку лица потврдија за АП дека станува збор за свадба на Свифт и Келси.
Дозволата покажува дека 100 гости ќе се соберат во Медисон Сквер Гарден денес на свадбена проба – „пред-забава“ – во 18:30 часот по локално време, што официјалните лица ја опишаа како интимна вечера.
Целосно затворање на улиците во близина на арената во Менхетен потоа ќе стапи на сила преку ноќ, сè додека работниците не постават повеќе влезови и шатори за луѓето да поминуваат низ нив, се вели во дозволата.
„Главниот настан“ започнува во 17:00 часот во петок и е дозволено да трае до 4:00 часот наутро следниот ден.