Голем оган и густ чад денеска напладне може да се забележат во просторот под тврдината Исар во Штип. На терен веќе е регистрирано присуство на надлежните служби кои работат на локализирање на пожарот.
Во видео-материјалот кој го објави Телевизија „Стар“ јасно се гледа дел од зафатеното подрачје под ридот, како и полициски патроли и возила на противпожарните единици.
Медиумите ја пренесоа првичната куса информација која беше споделена заедно со снимката од местото на настанот.
„Гори под Исарот во Штип, Противпожарните единици и полицијата на терен“
Од локалната телевизија најавија дека во текот на денот ќе објават повеќе детални информации за причините за пожарот и за големината на зафатената површина.