Управата за хидрометеоролошки работи (УХМР) го објави најновиот пресек на температурите и количините на врнежи измерени во 17 часот на мерните станици ширум државата.
Највисока температура во 17 часот е измерена во Гевгелија каде се регистрирани 33,5 степени, по што следува Демир Капија со 32,6 и Кавадарци со 32,3 степени.
Во Штип во истиот термин се измерени 32,1 степен, во Скопје (Петровец) 31,7 степени, додека во Велес живата во термометарот покажа 30,9 степени.
Најсвежо во 17 часот било на Попова Шапка со измерени 16,3 степени и во Маврови Анови со 18,5 степени.
Што се однесува до максималните температури во текот на денот, Велес го достигна максимумот со 34,7 степени, Кавадарци со 34,4 и Гевгелија со 34,2 степени.
Во однос на водениот талог, во изминатите 9 часа најмногу дожд паднал на Попова Шапка каде се измерени 3,3 l/m².
Врнежи се регистрирани и во Претор (1,2 l/m²), во Маврови Анови (0,8 l/m²), во Пожаране (0,6 l/m²) и во Радовиш (0,1 l/m²).