Управата за хидрометеоролошки работи ги објави официјалните податоци за температурите измерени во 11 часот (09:00 UTC) на 30.06.2026 година, кои покажуваат значително високи вредности во поголемиот дел од земјата. Според податоците од УХМР, најтопло е во Гевгелија каде се измерени 35.5 степени, како и во Велес со 34.9 степени.
Високи температури се регистрирани и во Скопје на мерната станица Зајчев Рид каде се измерени 34.3 степени, во Струмица со 34.1 степен и во Скопје-Петровец со 33.7 степени.
Во централниот и источниот дел од земјата, термометрите во Штип покажаа 33.4 степени, во Демир Капија 33.5, додека во Кавадарци се измерени 32.8 степени. Најсвежо во 11 часот било на Попова Шапка со измерени 20.5 степени и во Лазарополе со 24.7 степени.