Познат скопски бизнисмен бил пронајден починат во дворот од својот дом во скопската населба Карпош.
Познатиот скопски бизнисмен Марјан Јованов (58), познат во јавноста како Мане Левис, бил пронајден во 18:15 часот, во базен во дворот од семејната куќа.
Од Министерството за внатрешни работи информираат дека лекар од Итна медицинска помош констатирал смрт без видливи траги на насилство, по што бил извршен увид на местото на настанот.
„На 28.06.2026 во 18:15 часот во СВР Скопје е пријавено дека на подрачјето на Карпош, во базен во двор од куќа, бил пронајден починат М.Ј. (58) од Скопје. Од страна на лекар од Итна медицинска помош констатирана била смрт без видливи траги на насилство. Извршен е увид, а по насоки од јавен обвинител телото на починатиот е предадено во Судска медицина за обдукција“, соопштија од МВР.
Причините за смртта засега не се познати и ќе бидат утврдени по извршената обдукција во Институтот за судска медицина.
Марјан Јованов беше еден од познатите македонски бизнисмени и долгогодишен дистрибутер на брендот „Левис“ во земјава.