Заменик-народниот правобранител Соња Трифуновска денеска на прес-конференција ќе го претстави Годишниот извештај на Народниот правобранител – Национален превентивен механизам (НПМ) за 2025 година.
Во извештајот се опфатени наодите и констатираните состојби во местата за лишување од слобода, меѓу кои полициските станици, казнено-поправните установи и психијатриските болници.
Од Канцеларијата на Народниот правобранител информираат дека извештајот дава преглед на условите во овие институции, како и на активностите на Националниот превентивен механизам во текот на изминатата година.