| Денес во отвореното студио на Македонската телевизија каде што гостуваше претседателот на владата, Христијан Мицкоски испрати јасна и недвосмислена порака до ланците на супермаркети во државава. Тој на новинарско прашање истакна дека на состанокот одржан во владата со ланците на супер маркети во државата им посочил дека претераа со зголемувањето на цените и дека наредниот период ќе следат мерки. Имавме со маркетите и трговците долг и би рекол искрен разговор и на тој состанок дефиниравме една цел. Се сложувам со вас дека претераа и тоа беше и мојата порака и ценам дека искрен беше дијалогот. Таков состанок треба да направиме и со производителите и дистрибутерите и потоа треба еден заеднички. Затоа што и едната и другата страна имаат свои аргументи. Претседателот на владата, Мицкоски нагласи дека и сопствениците на маркетите имаат аргументи зошто мора да ги покачат цените и дистрибутерите и производителите имаат свои аргументи зошто да ги покачат цените, но на крајот на тој состанок се договориле за една заедничка цел .И сега ние што зацртавме. Ако да речеме храната од први до петти месец ни пораснала за 5.4%, инаку во 2022 година храната пораснала за 21.5% кога беше кризата. Зацртавме цел во јули месец храната да биде под 3%. За да се постигне оваа цел има одредени услови. Тие услови се, каде што во еден или два закони да се направи измена, која ќе треба заеднички да ја усогласиме со дистрибутерите и со производителите и мислам дека ќе најдеме заедничко тло. Но тоа треба да ни биде заедничка цел, цената на храната да не биде зголемена над 3% на годишно ниво, За ова постоеше општ консензус, и резултат од 2.9% го сметаме за голем успех. Јас мислам и тоа дека ќе го постигнеме, заклучи претседателот на владата Мицкоски |
- Филипче: Ние со Христијан Мицкоски ќе останеме без нација
- Филипче: Сите граѓани ќе добијат акции, ја исправаме неправдата со приватизацијата
- ЛДП: Реформите на власта се за чист „два плус“ – спречете ги идните уцени со нашиот предлог за самозаштитни клаузули
- Хера: ЕУ не предупреди – Македонија назадува во повеќе сегменти во човековите права, меѓу кои и родовата еднаквост
- ВМРО-ДПМНЕ: 23 октомври не потсетува дека Македонија е наследство од предците и аманет за идните поколенија
- Сиљановска-Давкова: Не можеме да ја чествуваме државноста, а да ја заборавиме пожртвуваноста на поколенијата што ги удриле нејзините темели
- Честит 23 Октомври – Ден на македонската револуционерна борба
- Од Дубаи до Македонија: Стефанија Нусеибех носи нов пристап кон дизајнот на ентериери
