Интензитетот на сообраќајот надвор од градските средини е умерен, со непречено одвивање на сообраќајот на државните патишта и суви коловози, информира Автомото сојузот на Македонија (АМСМ) во утринскиот извештај.
На граничните премини од македонска страна нема подолги задржувања ниту при влез, ниту при излез од државата.
Од АМСМ апелираат за прилагодена брзина, почитување на сообраќајната сигнализација и зголемено внимание при управување со возила, особено на делниците низ котлините, речните долини и клисурите, каде постои ризик од појава на одрони. Посебно се издвојуваат правците Катланово – Велес, Маврово – Дебар – Струга, Виница – Берово и Кочани – Делчево.