Помеѓу Вашингтон и Техеран се појавија различни толкувања за статусот на иранската нуклеарна програма, откако двете страни излегоа со целосно спротивни изјави во јавноста.
Техеран: Нема нови обврски
Иран не преговарал за својата нуклеарна програма, ниту, пак, прифатил какви било нови обврски, изјави денеска портпаролот на иранското Министерство за надворешни работи, Есмаил Багеи, за иранската новинска агенција ИРНА.
Тој истовремено наведе дека соработката на Техеран со Меѓународната агенција за атомска енергија (МААЕ) ќе продолжи во согласност со:
- постоечките процедури,
- одлуките на иранскиот Парламент,
- Врховниот совет за национална безбедност на Иран.
Вашингтон: Голем чекор кон денуклеаризација
Оваа реакција на Техеран доаѓа непосредно по оптимистичката изјава од Белата куќа. Претходно денеска, потпретседателот на САД, Џеј Ди Венс, изјави дека Иран се согласил повторно да ги повика инспекторите на МААЕ во земјата.
„Тоа е голема пресвртница за американскиот народ. Поставен е многу добар темел за конечен договор. Ова е голем чекор кон денуклеаризација на Иран“, рече Венс